TOShKENT, 22-iyul – Sputnik. Rossiya va Ukraina muzokaralarining yangi raundi 24-25 iyul kunlari bo‘lib o‘tadi. Bu haqda RIA Novosti o‘z manbasiga tayangan holda xabar bermoqda.
“24-25 iyul kunlari”, - deya javob bergan agentlik hamsuhbati tegishli savolga javob berayotib.
RIA Novostining yozishicha, yangi uchrashuvda Rossiya va Ukraina delegatsiyalari tinchlik memorandumiga oid o‘zaro fikr almashadi, ayrim gumanitar masalalarni muhokama qiladi.
Avvalroq turk OAV muzokaralar yana Istanbulda bo‘lib o‘tishini xabar qilgandi.
Rossiya va Ukraina ikki marta bevosita muzokaralar o‘tkazdi. Ular 16-may va 2 iyun kuni Istanbulda bo‘lib o‘tdi. Ularning yakuni asirlar bilan o‘zaro almashish bo‘ldi. Shuningdek, Moskva Kiyevga minglab halok bo‘lgan ukrain askarlarining jasadlarini topshirdi. Qolaversa, tomonlar mojaroga barham berish yuzasidan memorandum loyihalari bilan o‘zaro almashishdi.