TOShKENT, 26-iyun — Sputnik. Toshkent Fotosuratlar uyida Matbuot va ommaviy axborot vositalari xodimlari kuni munosabati bilan ilk bor arxiv hujjatlari fotoko‘rgazmasi bo‘lib o‘tmoqda, deya xabar berdi Sputnik O‘zbekiston muxbiri.
Fotoko‘rgazmada matbuot xodimlarining 1924-yildan buyon olingan arxiv suratlari namoyish etilmoqda.
O‘zarxiv agentligi axborot xizmati rahbari Anvar Aliyevning so‘zlariga ko‘ra, ko‘rgazmaning asosiy maqsadi — jamiyatga OAVning ahamiyatini hamda odatda ko‘rinmaydigan kadr ortidagi xodimlar mehnatining muhimligini ko‘rsatish.