TOShKENT, 20-iyun — Sputnik. Rossiya va Ukraina bugun Istanbul kelishuvlari doirasida mahbuslar almashinuvining navbatdagi bosqichini o‘tkazdi, deb xabar berdi RIA Novosti agentligiga Rossiya muzokaralar guruhidagi manba.
“Istanbul kelishuvlari doirasida Rossiya va Ukraina o‘rtasida mahbuslar almashinuvining navbatdagi bosqichi bo‘lib o‘tdi”, — dedi agentlikka manba.
Mudofaa vazirligi almashinuvni tasdiqladi.
Ozod qilingan harbiy xizmatchilar Belarus hududida bo‘lib, ularga zarur tibbiy va psixologik yordam ko‘rsatilmoqda.
Asirlikdan qaytganlarning barchasi Rossiyaga olib ketilib, Mudofaa vazirligining tibbiyot muassasalarida davolanadi va reabilitatsiya qilinadi.
Vazirlik, shuningdek, qaytib kelgan rossiyalik harbiylar tasvirini ham namoyish qildi: bir necha o‘nlab odamlar bayroqlarni ushlab, “Rossiya!” deb hayqirmoqda.