TOShKENT, 16-iyun — Sputnik. Toshkent – Dalaman yo‘nalishi bo‘yicha Turkiyaga charter reyslarining yangi mavsumi ochildi, deya xabar berdi "Uzbekistan Airports".
"Bu marshrut o‘zbekistonlik sayyohlar uchun yillik an’anaga aylandi – Egey dengizi sohilidagi eng yaxshi kurortlar: Marmaris, Fethie, Oludeniz, Go‘chekka to‘g‘ridan-to‘g‘ri yo‘l", — deyiladi xabarda.
Dalamanga reyslar haftada bir marta yakshanba kunlari amalga oshiriladi.
Shuningdek, “Uzbekistan Airways” aviakompaniyasi bortida charter reyslari har kuni Antaliyaga, haftada bir marta payshanba kuni Alaniyaga va chorshanba kunlari Bodrumga amalga oshiriladi.