TOShKENT, 15-iyun — Sputnik. O‘zbekiston va Isroil o‘rtasida aviaqatnovlar 30-iyungacha to‘xtatildi. Bu haqda Uzbekistan Airways xabar berdi.
“Tel-Aviv xalqaro aeroportida havo hududidan foydalanish bo‘yicha joriy etilgan cheklovlar sababli, Uzbekistan Airways 2025-yil 16-iyundan 30-iyungacha Toshkent – Tel-Aviv – Toshkent yo‘nalishidagi reyslarni vaqtincha to‘xtatishga majbur bo‘ldi”, — deyiladi xabarda.
Aytilishicha, bekor qilingan reyslar yo‘lovchilari aviabiletlar bo‘yicha majburiy qaytarib olish yoki keyingi sanalarga bepul qayta bron qilish uchun murojaat qilishlari mumkin.