TOShKENT, 6-iyun — Sputnik. Bugun O‘zbekistondagi masjidlarda Qurbon hayiti namozi o‘qildi. Sputnik O‘zbekiston muxbiri Parkent tumanidagi masjidda namoz o‘qilishi tasvirlangan suratlarni taqdim etdi.
Qurbon hayiti musulmonlarning eng ulug‘ bayramlaridan hisoblanadi.
Bu kun tong sahardan musulmonlar Qurbon hayiti namozini ado etishadi. Namozdan so‘ng qurbonlik qilinadi, bayram dasturxoni yoziladi. Qurbon hayiti kunlarida qarindosh-urug‘larni borib ko‘rish, yoru birodarlarni ziyorat qilish, beva-bechoralar holidan xabar olish kabi ishlar ushbu kunda savobi ulug‘ amallardan hisoblanadi.