TOShKENT, 3-iyun — Sputnik. Yaqin vaqt ichida Vladimir Putin, Donald Tramp va Vladimir Zelenskiyning uchrashuvi ehtimoldan yiroq. Bu haqda Prezident matbuot kotibi Dmitriy Peskov ma’lum qildi, deya xabar berdi RIA Novosti.
Prezident matbuot kotibi Dmitriy Peskov Rossiya va Ukrainaning Istanbuldagi muzokaralari yakunlariga izoh berdi.
Uning so‘zlariga ko‘ra, Turkiyadagi kechagi uchrashuvda bir lahzalik yutuqlarni kutish noto‘g‘ri bo‘lardi.
“Moskva va Kiyev ma’lum kelishuvlarga erishdi, ular muhim va amalga oshiriladi. Rossiya tomonidan murosa masalasi muloqot mavzusi hisoblanadi, u ommaviy bo‘lishi mumkin emas”, — dedi Peskov.
Peskovning qayd etishicha, Vladimir Medinskiy hujjat Kiyev bilan muhokama qilinganidan keyin memorandumning Rossiya loyihasini e’lon qilish to‘g‘risida qaror qabul qildi.
“Vladimir Zelenskiyning Istanbuldagi uchrashuvdan keyingi bayonoti noqulay va muvaffaqiyatsiz, u muzokaralar ruhiga mos kelmaydi. Moskva Vashington bilan muloqot kanallariga ega va ulardan muloqot uchun foydalanishda davom etmoqda”, — deya qayd etdi u.
Rossiya va AQSh prezidentlarining yangi muloqoti, agar zarur bo‘lsa, hozircha bunday kelishuvlar yo‘qligida tezkorlik bilan tashkil etilishi mumkin. Yaqin vaqt ichida Vladimir Putin, Donald Tramp va Vladimir Zelenskiyning uchrashuvi ehtimoldan yiroq, deya qo‘shimcha qildi Dmitriy Peskov.