Temur Davatsning “Arkadiya orzulari” nomli shaxsiy ko‘rgazmasi ochiladi

Temur Davats — 1968-yilda toshkentlik taniqli grafiklar Engel Ishoqov va Larisa Davats oilasida tug‘ilgan. Toshkentdagi P.P. Benkov nomidagi Respublika rassomchilik bilim yurtida ilk badiiy tahsilni olgan. Keyinchalik Buyuk Britaniyaga ko‘chib, Londondagi Qirollik san’at akademiyasida tahsilini davom ettirgan.

Rassomning ko‘rgazmasi yunon mifologiyasida farovonlik va tinchlik ramzi bo‘lgan Arkadiya timsoliga bag‘ishlangan. Bu obraz Temur asarlarida zamonaviy tomoshabin xayolida jonlanib, qadimiy ramzlar va afsonalar bilan uyg‘unlashgan.

Bugungi kunda rassomning asarlari Buyuk Britaniya qiroli Charlz III, Saudiya qirollik oilasiga mansub shahzoda Faysal hamda Bahrayn qiroli Hamad ibn Iso Al Xalifa shaxsiy kolleksiyalarida saqlanmoqda. Shuningdek, uning ishlari dunyo bo‘ylab “Four Seasons” mehmonxonalarida ham namoyish etilmoqda.

“Arkadiya orzulari” ko‘rgazmasi tomoshabinlarni Temurning orzular olamiga yetaklab, ularga go‘zallik va ruhiy uyg‘unlik tuhfa etadi.

1 / 18

Temur Davats "Oq sherni izlab". Mato, moybo‘yoq 2024-yil.

2 / 18

Ko‘rgazma mehmonlari.

3 / 18

Temur Davats "Favvora afsonasi". Mato, moybo‘yoq 2024-yil.

4 / 18

Temur Davats "Kelt afsonasi". Mato, moybo‘yoq 2023-yil.

5 / 18

Temur Davatsning “Arkadiya orzulari”. shaxsiy ko‘rgazmasi.

6 / 18

Temur Davats "Venetsiya tarixi". Mato, moybo‘yoq 2025-yil.

7 / 18

"Qadimgi sirlar". Mato, moybo‘yoq 2024-yil.

8 / 18

"Vizantiya bahori". Mato, moybo‘yoq 2014-yil.

9 / 18

Temur Davats o‘z faoliyati davomida ko‘plab xalqaro mukofotlarga sazovor bo‘lgan, jumladan, 1994-yilda Qirollik Badiiy akademiyasining yozgi ko‘rgazmasida Ginnes mukofoti, 2002-yilda Londondagi Milliy portret galereyasida B.P. Portret mukofoti va 2021-yilda Nord Art Gran-prisi.

10 / 18

Davats Larisa Iosifovna (1937, Tanszin sh., XXR hududida) — grafik rassom, O‘zbekistonda xizmat ko‘rsatgan san’at arbobi (1987). Moskva rassomlik in-tida ta’lim olgan (1958—64). 1964 y. dan O‘zbekistonda. Davatsning mahorat bilan yaratgan asarlari ko‘tarilgan mavzular mazmunini anik, ochib bera olishi bilan ajralib turadi.

11 / 18

Larisa Davats "Romantika" varaqlari seriyasi - "Parvoz", 1984-yil.

12 / 18

Larisa Davats "Romantika" varaqlari seriyasi - "Teatr", 1984-yil.

13 / 18

Larisa Davats Chingiz Aytmatovning “Oq kema” asari uchun illyustratsiya 1983-yil.

14 / 18

Larisa Davats Chingiz Aytmatovning “Oq kema” asari uchun illyustratsiya 1983-yil.

15 / 18

Rassom o‘z asarlarida sehrli o‘rmon manzaralari, yulduzli osmonlar va afsonaviy hayvonlarni tasvirlab, tomoshabinni ramziy sayohatga chorlaydi.

16 / 18

Temur Davats yaratgan olam o‘zining jozibasi bilan nafaqat hayratga soladi, balki ma’naviy izlanishlarga undaydi.

17 / 18

Temur Davats "Arkadiya orzusi". Mato, moybo‘yoq 2023-yil.

18 / 18

Ushbu ko‘rgazma 8-iyunga qadar davom etadi.

Temur Davatsning “Arkadiya orzulari” nomli shaxsiy ko‘rgazmasi bo‘lib o‘tmoqda