TOShKENT, 18-may — Sputnik. AQSh prezidenti Donald Tramp imkon qadar tezroq Rossiya prezidenti Vladimir Putin bilan uchrashmoqchi, dedi davlat kotibi Marko Rubio CBS telekanaliga bergan intervyusida, deb yozmoqda RIA Novosti.
"U buni imkon qadar tezroq qilmoqchi. O‘ylaymanki, Rossiya tomoni ham bunga tayyorligini bildirdi. Endi biz hammani bir joyga yig‘ishimiz, bu uchrashuv qayerda va qachon bo‘lib o‘tishi va nima haqida bo‘lishini aniqlashimiz kerak", — dedi Rubio.
Davlat kotibining nutqidan biroz oldin Tramp dushanba kuni Putin bilan telefon qo‘ng‘irog‘ini e’lon qildi. U Rossiya-Ukraina mojarosini hal qilish masalasini muhokama qilishni rejalashtirayotganini aytdi.
Rossiya rahbari bilan suhbatdan keyin Oq uy rahbari Vladimir Zelenskiy va NATO davlatlari vakillari bilan gaplashadi. U muzokaralar natijasida o‘t ochishni to‘xtatishga umid qilmoqda.