TOShKENT, 18-may — Sputnik. Samarqandda ilk bor non festivali bo‘lib o‘tmoqda, deya xabar berdi Sputnik O‘zbekiston muxbiri.
Bu yeda viloyatning barcha shahar va tumanlaridan, shuningdek, respublikaning turli hududlaridan kelgan novvoylar tomonidan 22 ta tandir o‘rnatilgan. Mahalliy aholi va sayyohlar nonlar qanday farq qilishini va qanday o‘ziga xos xususiyatlarga ega ekanligi haqida bilib olishmoqda.
V Samarkande vpervie proxodit festival xleba
© Xokimiyat Goroda Samarkand
Shu joyning o‘zida an’anaviy tandirlarda non pishirish bo‘yicha mahorat darslari ham o‘tkaziladi.
Tadbir yakunida tashkilotchilar eng yaxshi novvoylarni tanlab, 50 million so‘mgacha pul mukofotlari bilan taqdirlaydi.
V Samarkande vpervie proxodit festival xleba
© Xokimiyat Goroda Samarkand
Samarqanddagi non festivalida Xorazm viloyatining non mahsulotlari: yupqa, qatlamli, go‘shtli, pomidorli, shuningdek, miniaturali kulcha ko‘rgazmasi alohida ajralib turadi.
Festival 18-mayga qadar davom etadi.