TOShKENT, 4-may — Sputnik. XXR raisi Si Szinpin prezident Vladimir Putinning taklifiga binoan 7-10 may kunlari rasmiy tashrif bilan Rossiyada bo‘ladi, deya xabar bermoqda Kreml matbuot xizmati.
Xitoy rahbari Ulug‘ Vatan urushidagi G‘alabaning 80-yilligiga bag‘ishlangan tantanali tadbirlarda ishtirok etadi.
“Muzokaralar chog‘ida har tomonlama sheriklik va strategik hamkorlik munosabatlarini yanada rivojlantirishning asosiy masalalari, shuningdek, xalqaro va mintaqaviy kun tartibidagi dolzarb masalalar muhokama qilinadi. Bir qator hukumatlararo va idoralararo hujjatlarni imzolash rejalashtirilgan”, — deyiladi xabarda.