TOShKENT, 4-may — Sputnik. Kursk viloyati aholisiga eng katta shafqatsizlikni chet ellik yollanma askarlar ko‘rsatishdi, ular hatto bolalarni ham ayamagan. Bu haqda “Axmat” maxsus kuchlari qo‘mondoni, Mudofaa vazirligi harbiy-siyosiy bosh boshqarmasi boshlig‘i o‘rinbosari, general-leytenant Apti Alaudinov RIA Novostiga ma’lum qildi.
“Yollanma askarlar tinch aholimizga nisbatan eng katta shafqatsizlikni ko‘rsatdi. Shuni ta’kidlash kerakki, bizning Kursk viloyati hududini Ukraina qo‘shinlari egallab olishda, o‘zini juda shafqatsiz tutgan xorijliklar eng ko‘p ajralib turishgan: ular tinch aholini, ayollarni, bolalarni, erkaklarni, buvilarni, bobolarni o‘ldirishdi – ular maksimal darajada rossiyaliklarni o‘ldirishga harakat qilishdi”, — dedi agentlik manbasi.
Ukraina Qurolli Kuchlarining ayrim harbiylari hatto tinch aholini orqadan yollanma askarlar kelayotgani va ular o‘zlarini qutqarishlari kerakligi haqida ogohlantirgan, deya qo‘shimcha qildi Alaudinov.
Kursk viloyati va Rossiyaning boshqa chegaradosh viloyatlarida ukrainlik jangarilar va yollanma jangarilar tomonidan sodir etilgan jinoyatlar Tergov qo‘mitasining harbiy tergov organlari tomonidan hujjatlashtirilib, tergov qilinmoqda.
Prezident Vladimir Putin Kiyev rejimining barcha jinoyatlari hujjatlashtirilishi, jinoyatchilar topilib, jazolanishi kerakligini ta’kidlagan.