TOShKENT, 21 apr — Sputnik. Futbol bo‘yicha O‘zbekiston o‘smirlar terma jamoasi Saudiya Arabistonidagi Osiyo kubogida mezbon jamoani 2:0 hisobida mag‘lub etdi, deya xabar berdi Milliy olimpiya ishmitasi matbuot xizmati.
Saudiya Arabistonida futbol bo‘yicha U17 yosh toifasidagi Osiyo kubogi o‘z yakuniga yetdi.
“Finalgacha ajoyib o‘yinlari bilan muxlislarni xursand qilgan O‘zbekiston o‘smirlar terma jamoasi hal qiluvchi bahsda ham chiroyli g‘alabaga erishdi”, — deyiladi xabarda.
2-taymni ikki o‘yinchi kam bo‘lib o‘tkazganiga qaramay, yigitlar chempionlik o‘yinida mezbonlarni 2:0 hisobida mag‘lub etishdi. Jamoaning gollariga Muhammad Hakimov va Sadriddin Hasanovlar mualliflik qildi.
Shu tariqa, jamoa ushbu yosh toifasidagi ikkinchi chempionlikka erishdi.