TOShKENT, 16 apr — Sputnik. Yevroosiyo iqtisodiy ittifoqi (YeOII) mamlakatlarida ishsizlar soni kamaydi, deya xabar berdi Rossiya TIV MDH mamlakatlari birinchi departamentining Yevroosiyo iqtisodiy integratsiyasi departamenti matbuot xizmati.
2025 yil fevral oyi holatiga ko‘ra, YeOII davlatlarining bandlik xizmatlarida ro‘yxatga olingan ishsizlar soni 704,9 ming kishini tashkil etdi.
“Ushbu ko‘rsatkich Ittifoq davlatlarida ishsizlik darajasi 14,8 foizga (2024 yilning shu davriga nisbatan) pasayganini ko‘rsatadi”, — deyiladi xabarda.
Eslatib o‘tamiz, yanvar oyida Rossiya tashqi ishlar vaziri Sergey Lavrov 2024-yil noyabr oyining oxiriga kelib Ittifoqdagi ishsizlik darajasi 18,1 foizga kamayganini ma’lum qilgan edi. Uning qayd etishicha, ishsizlar soni mehnatga layoqatli aholining atigi 0,7 foizini tashkil etgan. O‘rtacha oylik real ish haqi hajmi doimiy ravishda oshib bormoqda.