TOShKENT, 9 apr – Sputnik. 2024 yil yakunlari bo‘yicha Yevroosiyo iqtisodiy ittifoqi (YeOII) davlatlarida davlat boshqaruvi sektorining qarzi YeOII to‘g‘risidagi shartnomada belgilangan chegaralar doirasida bo‘ldi. Bu haqda Yevroosiyo iqtisodiy komissiyasining (YeIK) matbuot xizmati xabar berdi.
Bir qator mamlakatlarda yalpi ichki mahsulotga nisbatan qarz darajasi pasaygan: Qirg‘izistonda – 13,1 foizgacha, Rossiyada – 13,6 foizgacha. Armaniston va Qozog‘istonda ichki qarzlarning ortishi hisobiga qarzning YaIMga nisbati mos ravishda 48,2% va 23,2% gacha oshgan.
Ittifoqning aksariyat mamlakatlarida davlat boshqaruvi sektorining budjet balansi ham belgilangan qiymatlar doirasida shakllandi: Qozog‘iston va Rossiyada - mos ravishda YaIMning 0,7% va YaIMning 1,2% hajmida o‘rtacha taqchilligi, Qirg‘izistonda - YaIMning 3,5% miqdorida budjet profitsiti.
Budjetlar, birinchi navbatda, soliq va soliqdan tashqari tushumlarning o‘sishi hisobiga qo‘llab-quvvatlandi. Armaniston bundan mustasno bo‘lib, mamlakatda budjet taqchilligi belgilangan qiymatdan oshib, yalpi ichki mahsulotning 3,5 foizini tashkil etdi, bu aholini ijtimoiy qo‘llab-quvvatlashga xarajatlarning ko‘payishi hisobiga sodir bo‘ldi.