TOShKENT, 7 apr – Sputnik. Rossiya prezidenti Vladimir Putin Ukrainada o‘t ochishni to‘xtatish g‘oyasini qo‘llab-quvvatlaydi, biroq buning uchun bir nechta masalalarni hal etish lozim. Bu haqda Rossiya yetakchisi matbuot kotibi Dmitriy Peskov ma’lum qildi.
“Prezident Putin haqiqatdan ham o‘t ochishni to‘xtatish g‘oyasini qo‘llab-quvvatlaydi. Biroq buning uchun qator savollarga javob berish kerak. Bu savollar havoda muallaq qolmoqda, hozircha ularga hech kim javob bermadi”, - dedi Kreml vakili. Uning so‘zlaridan RIA Novosti iqtibos keltirgan.
Peskovning tushuntirishicha, gap “Kiyev rejimining bo‘ysunmasligi, Kiyev rejimining Kiyevga quloq tutmaydigan qator ekstremistik va millatchi bo‘linmalarni nazorat qila olmasligi” haqida ketmoqda.
U shu kabi masalalar avvalgiday kun tartibida ekanini qo‘shimcha qildi.