TOShKENT, 29 mar — Sputnik. O‘zbekistonlik kurashchi qizlar Iordaniyada tashkil etilayotgan sport kurashlari bo‘yicha Osiyo chempionatini bronza medali bilan yakunlashdi. Bu haqda Milliy olimpiya qo‘mitasi matbuot xizmati xabar berdi.
Osiyo chempionatida ayollar kurashi bahslari yakuniga yetdi. Bahslarda o‘zbekistonlik 18 yoshli Shahzoda Allaniyazova (-65 kg) bronza medalini qo‘lga kiritdi.
Bugundan erkin kurash bahslariga navbat beriladi. Unda gilamga chiqadigan 5 nafar O‘zbekiston vakillari va ularning ilk raqiblari quyidagicha:
-57 kg: G‘ulomjon Abdullayev - Jayong An (Koreya) / Rahat Kaljan (Qozog‘iston);
-65 kg: Umidjon Jalolov - Kaisie Tanabe (Yaponiya);
-70 kg: Begijon Qo‘ldoshev - Shirmuhammet Bekiyev (Turkmaniston);
-79 kg: Asadbek Karimov - Chandermohan (Hindiston);
-97 kg: Maxsut Veysalov - Ganxuyag Ganbatar (Mo‘g‘uliston).
