TOShKENT, 23 mar — Sputnik. Isroil Misr vositachilari yordamida Falastinning HAMAS harakatiga G‘azo sektoridagi garovga olinganlarni ozod qilish bo‘yicha ikki bosqichli rejani taqdim etdi. Bu haqda Sinxua axborot agentligi Misrdagi noma’lum manbalarga tayanib xabar berdi, deb yozmoqda RIA Novosti.
“Isroil Misr vositachilari orqali HAMASga G‘azoda garovga olinganlarni ozod qilish bo‘yicha ikki bosqichli reja taklif qildi”, deyiladi xabarda.
Agentlik ma’lumotlariga ko‘ra, Isroil rejasi birinchi bosqichda HAMAS garovga olingan 11 kishini ozod qiladi va 16 kishining jasadini topshiradi, shundan so‘ng 40 kunlik sulh tuziladi.
Keyinroq ikkinchi bosqichda HAMAS qolgan barcha garovga olinganlarni bir vaqtning o‘zida ozod qilishi kerak, deya qo‘shimcha qildi Sinxua.
Isroilning taklifi AQSh tomonidan qo‘llab-quvvatlanadi, deydi manbalar.