TOShKENT, 18 mar — Sputnik. Isroilning G‘azo sektoriga bergan zarbalari oqibatida halok bo‘lganlar soni 230 nafardan oshdi. Bu haqda "Al Aqsa" anklav ma’muriyatiga tayanib xabar berdi, deb yozmoqda RIA Novosti.
Seshanbaga o‘tar kechasi Isroil mudofaa kuchlari G‘azo sektoriga yirik zarbalar berilganini e’lon qildi. "Axios" nashrining bosh vazir Binyamin Netanyaxu idorasiga tayanib xabar berishicha, Isroil HAMASga qarshi harbiy amaliyotlarni qayta boshlashga qaror qilgan.
U yerda hujum qilish qaroriga Falastin harakatining o‘t ochishni to‘xtatish kelishuvini buzish rejalari sabab bo‘lgan. HAMAS, o‘z navbatida, Netanyaxu isroillik garovga olinganlar uchun o‘lim hukmini imzolaganini ta’kidladi.
“Dastlabki ma’lumotlarga ko‘ra, sionistlar (Isroil – tahr.) uylar, maktablar, boshpana va ko‘chirilganlar uchun chodirlarga uyushtirilgan zarbalar natijasida 230 nafardan ortiq odam halok bo‘lgan, 350 nafari yaralangan, ularning aksariyati ayollar va bolalardir”, — deyiladi xabarda.
Eslatib o‘tamiz, G‘azo sektorida o‘t ochishni to‘xtatish kelishuvi 19-yanvarda kuchga kirgan edi. 2-martga o‘tar kechasi, kelishilgan o‘t ochishni to‘xtatish muddati tugaganidan so‘ng Isroil hozirda qarama-qarshi tomonlar urushni to‘liq tugatish bo‘yicha kelishmovchiliklarni bartaraf etishning iloji yo‘qligi sababli AQSh prezidentining maxsus vakili Stiven Uitkoff vaqtinchalik sulhni uzaytirish bo‘yicha yangi rejani taklif qilganini e’lon qildi. Netanyaxuning idorasining idda qilishicha, Isroil bu rejaga rozilik bildirgan, ammo HAMAS rozi bo‘lmagan.
