TOShKENT, 15-mart – Sputnik. Vengriya bosh vaziri Viktor Orban X ijtimoiy tarmog‘ida Yevropa Ittifoqiga 12 ta talab qo‘ydi, jumladan, Ukraina bilan bog‘liq chaqiriqni ilgari surdi.
“Biz Yevropada tinchlik va Ukrainasiz ittifoqni talab qilamiz”, - deb yozgan Vengriya hukumati rahbari.
Bir kun avval bosh vazir Brussel Ukrainaning 2030-yilgacha Yevropa Ittifoqiga a’zo bo‘lishini istashini, ammo so‘nggi so‘z Budapeshtda ekanligini aytdi. Uning qo‘shimcha qilishicha, Kiyevning ittifoqqa kirishi Vengriya iqtisodini vayron qiladi.
“Vengriya xalqi Brusseldan nima talab qiladi? Tinchlik, erkinlik va birdamlik bo‘lsin”, - deb yozadi Orban.
Orban Yevropa Ittifoqiga a’zo barcha davlatlar uchun qonun oldida tenglik talabini qo‘ydi. Bundan tashqari, u xalqlardan noqonuniy ravishda olingan vakolatlarni tiklash, shuningdek, milliy suverenitet va a’zo davlatlar hukumatlari uchun kuchli veto huquqini talab qildi.
Orban amerikalik milliarder Jorj Sorosning agentlarini haydab chiqarish va korrupsion lobbichilarni Yevroparlamentdan chetlashtirish, Yevropa Ittifoqi qarzini nabiralariga qoldirmaslik uchun uni bartaraf etishga chaqirdi.
“Chegaralarni himoya qilishga aralashmang va muhojirlarni olib kirmang va noqonuniy kelganlarni chiqarib yuboring”, - deya qo‘shimcha qildi bosh vazir.
Vengriya hukumati rahbari, shuningdek, Yevropa Ittifoqi mamlakatlariga korrupsion pul oqimini to‘xtatish, bolalarni g‘ayritabiiy tarzda qayta o‘qitishni taqiqlash va Yevropaning nasroniy merosini himoya qilishni talab qildi.