TOShKENT, 3-mart — Sputnik. Vladimir Zelenskiy Londondagi sammitdan so‘ng Ukraina tinchlik bitimini tuzish uchun hududiy yon berishlarni qabul qilmasligini aytdi, deb yozmoqda RIA Novosti "Guardian" nashriga tayanib.
“Zelenskiy Ukraina hech qachon hududlarning Rossiyaga qo‘shilishini, hatto bu tinchlik bitimini tuzishga urinish bo‘lsa ham, tan olmasligini qo‘shimcha qildi”, — deyiladi xabarda.
O‘tgan yakshanba kuni Londonda Yevropa davlatlarining sammiti bo‘lib o‘tdi, unda Ukrainadagi vaziyat va Yevropaning mudofaa qobiliyatini mustahkamlash imkoniyatlari muhokama qilindi. Britaniya bosh vaziri Kir Starmer London Ukrainada qurolli kuchlarni joylashtirishga va mojaroni hal qilish uchun aviatsiyadan foydalanishga tayyorligini aytdi.
