TOShKENT, 2 mart — Sputnik. Yevroosiyo iqtisodiy ittifoqi (YeOII)ning transchegaraviy bozorlarida adolatli raqobatni rivojlantirish uchun eng qulay shart-sharoitlar yaratiladi, deya xabar berdi Yevroosiyo iqtisodiy komissiyasi (YeIK) matbuot xizmati.
YeIK raqobat va monopoliyaga qarshi tartibga solish vaziri Maksim Yermolovich Moskvada Yevropa bizneslari assotsiatsiyasi a’zolari bilan ishchi uchrashuv o‘tkazdi.
“Komissiya uchun biznes, shu jumladan Yevropa mamlakatlari bilan o‘zaro hamkorlik ishning strategik yo‘nalishlaridan biridir. Maqsad – Yevroosiyo iqtisodiy ittifoqining transchegaraviy bozorlarida adolatli raqobatni rivojlantirish uchun eng qulay shart-sharoitlarni yaratish”, — dedi Maksim Yermolovich.
Yig‘ilish ishtirokchilari mavqeni suiiste’mol qilish, raqobatga qarshi kelishuvlar, adolatsiz raqobat kabi keng ko‘lamli masalalarga to‘xtaldi. Ittifoqda raqobat qoidalarining buzilishi yuzasidan shikoyat berish tartibi va YeIKning ushbu sohadagi vakolatlari muhokama qilindi.
YeOIIda davlat xaridlarining dolzarb masalalari va ularni Yevrosiyo integratsiyasi sharoitida tartibga solishning o‘ziga xos xususiyatlari ko‘rib chiqildi.
Uchrashuv chog‘ida Yevropa biznes subyektlari assotsiatsiyasi vakillarining YeIK Raqobat va monopoliyaga qarshi tartibga solish bo‘limi ishiga sohaviy tahlillarni, xususan, farmatsevtika sanoati bozori va elektron savdo maydonchalari (marketpleyslar)ni o‘tkazishda ko‘maklashish bo‘yicha kelishuvga erishildi.
Tadbirda Yevropa bizneslari assotsiatsiyasining 50 dan ortiq kompaniyalari vakillari ishtirok etdi.