TOShKENT, 23 fev — Sputnik. Rossiya va AQSh prezidentlari Vladimir Putin va Donald Tramp taniqli dunyo yetakchilari, shuning uchun ularning muloqoti istiqbolli, asosiysi Ukrainadagi vaziyatni tartibga solish bo‘yicha ularning siyosiy irodasini amalga oshirishga hech narsa xalaqit bermaydi. Bu haqda Dmitriy Peskov “Rossiya 1” telekanali jurnalisti Pavel Zarubinga ma’lum qildi.
“Bu yerda gap ikki chinakam ko‘zga ko‘ringan prezident o‘rtasidagi muloqoti haqida bormoqda. Bu istiqbolli. Ularning siyosiy irodasini amalga oshirishga hech narsa xalaqit bermasligi muhim”, — dedi u.
Putin va Tramp telefon orqali suhbatda Ukraina bo‘yicha tinchlik muzokaralari o‘tkazish imkoniyati va maqsadga muvofiqligi haqida kelishib olishdi, deya qo‘shimcha qildi u.
Peskovning qayd etishicha, Vladimir Zelenskiy bir necha bor davlat rahbarlari haqida nomaqbul bayonotlar bilan chiqqan va buni qayta-qayta qilmoqda.
“Prezident Tramp saylovda Amerika uchun noyob natija bilan g‘alaba qozondi, hattoki ikkilanuvchi shtatlarda ham. Prezident Tramp ikkala palatada ham partiyaviy nazoratga ega. Ya’ni, o‘z hokimiyatining barqarorligi, qudrati nuqtayi nazaridan u AQShning mutlaqo noyob prezidenti”, — dedi Peskov.
