TOShKENT, 8 fev — Sputnik. O‘zbekiston ayollar faolligini oshirish borasida Xitoy Ayollar federatsiyasi bilan hamkorlikni kengaytiradi. Bu haqda O‘zbekiston tashqi ishlar vazirligi matbuot xizmati xabar berdi.
Tashqi ishlar vaziri maslahatchisi Munira Aminova Xitoyning O‘zbekistondagi elchisi Yuy Szunni qabul qildi.
Uchrashuvda o‘tgan 2024-yilda ikki davlat o‘rtasida samarali va salmoqli hamkorlik amalga oshirilgani ta’kidlandi. Shuningdek, joriy yilda kun tartibida turgan asosiy masalalar hamda kelgusidagi hamkorlik yo‘nalishlari, ikki tomonlama savdo-iqtisodiy, ta’lim, grantlar va o‘zaro almashinuvlar muhokama qilindi.
Shuningdek, ayollar faolligini oshirish borasida Xitoy Ayollar federatsiyasi bilan hamkorlikni kengaytirishga, bu borada ikki tomonlama forum va seminarlar tashkil etishga tayyor ekanligi ma’lum qilindi.
