TOShKENT, 6 fev — Sputnik. Jangovar harakatlar hududini ruxsatsiz tark etayotgan Ukraina harbiylari soni ortib bormoqda, deb yozadi Polshaning “Onet” nashri.
Maqolada aytilishicha, frontning ba’zi qismlarida kadrlar yetishmovchiligi 50 foizdan oshadi, bu Ukraina Qurolli kuchlari askarlarini tayyorlash uchun foydalaniladigan Polsha o‘quv poligonlarida ham seziladi.
“Nazariy jihatdan, bizda hozirda 90 kishi o‘tirishi kerak, chunki rotada aynan shuncha bo‘lishi kerak. <...> Ular esa bor-yo‘g‘i 20 ta. Rotatsiya yo‘q. Mening oldingi chiziqda rotatsiyasiz bo‘lish bo‘yicha rekordim besh haftadan ortiq. Menda hech bo‘lmasa yuvinish uchun bir kun dam ham bo‘lmadi”, — deya ukrainalik jangchilardan birining so‘zlarini keltiradi nashr.
Avvalroq Britaniyaning “Financial Times” gazetasi 2024-yilning o‘n oyida Ukraina Qurolli kuchlari safida qochqinlar soni 2022-2023 yillardagi umumiy statistik ma’lumotlarga nisbatan qariyb ikki baravar oshgani, ularga nisbatan 60 ming jinoiy ish ochilgani haqida yozgan edi. Ismi oshkor etilmagan ukrainalik generalga ko‘ra, eng ko‘p qochqinlar piyoda va hujum brigadalari orasida.
