TOShKENT, 2 fev — Sputnik. Rossiya prezidenti Vladimir Putin Donald Tramp davrida Yevropaning AQSh bilan munosabatlaridan nima kutish mumkinli, shuningdek, G‘arbdagi tarixiy xotirani saqlash bilan bog‘liq vaziyatga baho berdi.
“Sizni ishontirib aytaman, Tramp o‘zining fe’l-atvori, qat’iyati bilan u yerda tezda tartibni tiklaydi. Hammasi esa, ko‘rasiz – tez, tez orada – hammasi egasining oyog‘i ostida turib, dumlarini bir oz qimirlatishadi. Hammasi o‘z joyiga tushadi”, — dedi Vladimir Putin “Rossiya 1” telekanalidagi “Moskva. Kreml. Putin” ko‘rsatuvi muallifi Pavel Zarubinga.
Uning so‘zlariga ko‘ra, Yevropa elitasiga Jo Bayden ko‘proq yoqdi, Donald Tramp esa nima yaxshi va nima yomonligi haqida turli fikrlarga ega.
“Yevropa Bayden davrida Vashingtonning har qanday buyrug‘ini bajarishdan mamnun edi. Yevropadagi siyosatchilar Trampga qarshi kurashdi, AQShdagi saylov jarayoniga aralashdi va uning g‘alabasidan keyin sarosimaga tushdi”, — dedi Rossiya yetakchisi.
Putining qayd etishicha, o‘tmishdagi Yevropa rahbarlari o‘z fikrlari uchun kurashish bo‘yicha jasoratga ega bo‘lishgan, hozir esa bunday odamlar yo‘q.
Uning aytishicha, Ukrainaning bugungi rahbariyati Banderani milliy qahramon darajasiga ko‘tardi, u Ukraina davlatchiligining ramzi. Polsha jamiyati Banderaning Xolokostdagi aybi haqida biladi va vaqti-vaqti bilan o‘zining siyosiy rahbariyatiga buni eslatib turadi. Bugungi nemis jamiyatining Gitlerning hokimiyat tepasiga kelishi va Ikkinchi jahon urushining boshlanishi bilan hech qanday aloqasi yo‘q.