TOShKENT, 1 fev — Sputnik. Rossiya harbiylari DXRning Krimskoe posolkasini nazorat ostiga oldi, deb xabar berdi Mudofaa vazirligi.
“Markaz” qo‘shinlari guruhi bo‘linmalari faol hujum harakatlarini davom ettirib, Donesk Xalq Respublikasining Krimskoe aholi punktini ozod qildi”, — deyiladi xabarda.
Krimskoe posolkasi Dzerjinsk shimolida joylashgan. Bu shahar Ukraina Qurolli kuchlarining rivojlangan temir yo‘l tarmog‘iga ega kuchli mustahkamlangan hududi bo‘lib, u yerda 2014-yildan beri Ukraina qo‘shinlari mustahkamlangan. Aynan shu yerdan DXRning eng yirik shaharlaridan biri Gorlovkani muntazam ravishda o‘qqa tutish ishlari olib borilmoqda.
Dushanba kuni DXR rahbari Denis Pushilin Rossiya qo‘shinlari Dzerjinskda oldinga siljishayotganini aytgan edi.
Mudofaa vazirligi, shuningdek, tunda Rossiya Qurolli kuchlari Ukraina harbiy-sanoat kompleksi korxonalari faoliyatini ta’minlovchi gaz obyektlariga yuqori aniqlikdagi qurollar bilan guruhli zarba bergani haqida xabar berdi.
Oxirgi sutkada aviatsiya, hujumchi dronlar, raketa kuchlari va artilleriya harbiy aerodromlar infratuzilmasiga, dronlar saqlanadigan va uchirishga tayyorlanadigan joylarga, Ukraina Qurolli kuchlarining 156 ta tumandagi ishchi kuchi va texnikasi to‘plangan joylariga zarba berdi.
Bundan tashqari, havo hujumidan mudofaa tizimlari 10 ta HIMARS yalpi reaktiv hujum tizimlari va 108 ta dronlarni urib tushirdi.