TOShKENT, 1 fev — Sputnik. O‘zbekiston Qurilish va uy-joy kommunal xo‘jaligi vaziri Sherzod Xidoyatov mamlakat og‘ir atletika federatsiyasi raisi etib saylandi. Bu haqda O‘zbekiston Milliy olimpiya qo‘mitasi matbuot xizmati xabar berdi.
Kecha O‘zbekiston og‘ir atletika federatsiyasining navbatdan tashqari hisobot-saylov konferensiyasi bo‘lib o‘tdi. Unda federatsiyaning rahbariyati tarkibi qaytadan shakllantirib olindi.
Ministr stroitelstva i jilishno-kommunalnogo xozaystva Respubliki Uzbekistan Xidoyatov Sherzod Saidjanovich bil izbran predsedatelem Federatsii tajoloy atletiki strani.
© NOK
Sport vazirining o‘rinbosari, mamlakat og‘ir atletika federatsiyasi raisining birinchi o‘rinbosari Shahrullo Mahmudov 2024-yil mobaynida amalga oshirilgan ishlar bo‘yicha hisobot berib, Los-Anjeles-2028 yozgi Olimpiya o‘yinlariga tayyorgarlik rejasi haqida to‘xtalib o‘tdi. Shundan so‘ng kun tartibidan o‘rin olgan boshqa masalalar ko‘rib chiqildi.
Ministr stroitelstva i jilishno-kommunalnogo xozaystva Respubliki Uzbekistan Xidoyatov Sherzod Saidjanovich bil izbran predsedatelem Federatsii tajoloy atletiki strani.
© NOK
Ministr stroitelstva i jilishno-kommunalnogo xozaystva Respubliki Uzbekistan Xidoyatov Sherzod Saidjanovich bil izbran predsedatelem Federatsii tajoloy atletiki strani.
© NOK
Federatsiya Ijroiya qo‘mitasi tomonidan tashkilot raisligiga Qurilish va uy-joy kommunal xo‘jaligi vaziri Xidoyatov Sherzod Saidjanovich nomzodi ilgari surildi. Yig‘ilish ishtirokchilari nomzodni bir ovozdan qo‘llab-quvvatlashdi va Sherzod Xidoyatov O‘zbekiston og‘ir atletika federatsiyasi raisi etib saylandi. Shuningdek, federatsiya rahbariyatining qolgan tarkibi quyidagicha ko‘rinish oldi:
raisning birinchi o‘rinbosari: Mahmudov Shahrullo Sharipovich;
rais o‘rinbosari: Inoyatov Mirabbos Mirkomilovich;
rais o‘rinbosari: Rasulov Rustam Abidjanovich;
rais o‘rinbosari: Xolmirzayev Raxmon Donabayevich;
bosh kotib: Mahmudov Olimjon Sharafutdinovich.