TOShKENT, 27 yanv — Sputnik. Shanxay hamkorlik tashkiloti (ShHT) Davlat rahbarlari kengashining 2025-yilgi yig‘ilishi avgust oyi oxiri – sentabr boshida Xitoyda bo‘lib o‘tadi. Bu haqda ShHT bosh kotibi Nurlan Yermekbayev RIA Novosti agentligiga bergan intervyusida ma’lum qildi.
“Sammit an’anaviy tarzda o‘z raisligini yakunlayotgan davlatda o‘tkaziladi. Shu bois joriy yilda ShHT Davlat rahbarlari kengashining majlisi Xitoyda bo‘lib o‘tadi. Sanalar belgilandi: avgust oxiri - sentabrning boshi. Davlat rahbarlari kengashining navbatdagi yig‘ilishida muhim qarorlar qabul qilinishi, muhim hujjatlar imzolanishi va tasdiqlanishi kutilmoqda. Ayni paytda ushbu muhim tadbirga qizg‘in tayyorgarlik ko‘rilmoqda, – deydi Yermekbayev.
ShHTga a’zo davlatlar davlat rahbarlarining avvalgi sammiti Qozog‘istonda 2024-yil iyul oyi boshida bo‘lib o‘tgan.
