TOShKENT, 25 yanv — Sputnik. Yevroosiyo iqtisodiy komissiyasi (YeIK) kengashi transchegaraviy bozorlarda raqobatning umumiy qoidalarini buzganlik uchun jarimalarni hisoblash va undirish tartibi hamda transchegaraviy bozorlarda raqobatning umumiy qoidalarini buzganlik to‘g‘risidagi ishlarni ko‘rib chiqish tartibiga o‘zgartirishlar kiritdi. Bu haqda YeIK matbuot xizmati xabar berdi.
Komissiya transchegaraviy bozorlarda raqobatning umumiy qoidalarini buzganlik to‘g‘risidagi ishni ko‘rib chiqish natijalariga ko‘ra, buzilishlarni bartaraf etish va raqobat sharoitlarini tiklash uchun huquqbuzarlarga "xulq-atvor shartlari"ni berishi mumkin. Yevroosiyo iqtisodiy ittifoqi to‘g‘risidagi shartnomada bunday "xulq-atvor shartlari"ga rioya qilmaslik uchun jazo choralari kiritilgan.
YeOII hujjatlariga kiritilgan o‘zgartirishlar komissiyaga huquqbuzarning "xulq-atvor shartlari"ga rioya qilishini nazorat qilishni nazarda tutadi. Agar ular belgilangan muddatda bajarilmasa, komissiyaga ma’lumot taqdim etmaslik tartibiga o‘xshash ish qo‘zg‘atiladi.
Huquqbuzarga jarima sanksiyalari qo‘llaniladi, ularning miqdori huquq buzilishining xususiyatiga bog‘liq. Ayrim huquqbuzarliklar uchun maksimal jarima miqdori 700 ming rublga yetadi.
