TOShKENT, 24 yanv — Sputnik. Yevroosiyoda yangi xavfsizlik arxitekturasi paydo bo‘lmoqda, dedi Rossiya Tashqi razvedka xizmati rahbari Sergey Narishkin “Rossiya segodnya” agentligiga.
"G‘arbiy blok hozirgi kunda dunyodagi yagona kuch markazi emas. Xitoy bor, Hindiston bor, sivilizatsiya davlat Rossiya bor, arab davlatlarining kuchli bloki bor.
Umuman olganda Yevroosiyoda yangi xavfsizlik arxitekturasi paydo bo‘lmoqda. U katta Yevroosiyo qit’asida ham, butun dunyoda ham tinchlikni ta’minlashga qodir bo‘ladi.
Yana takror aytmoqchiman, dunyoda yangicha tartib o‘rnatish bu tez bitadigan, oson ish emas. Uni amalga oshirishda ma’lum xatarlar ham bor. Lekin biz o‘z manfaatlarimizni himoya qilish va o‘z kelajagimizni ta’minlash uchun hammasiga chidab, tanlangan yo‘ldan oxirigacha borishimiz kerak", - dedi Narishkin.
