TOShKENT, 22 yanv — Sputnik. Toshkentda Rossiya va O‘zbekiston mudofaa vazirliklari o‘rtasida 2025-yilga mo‘ljallangan hamkorlik rejasi va ikki davlat o‘rtasida harbiy sohada 2026-2030 yillarga mo‘ljallangan strategik sheriklik dasturi imzolandi.
Rossiya Mudofaa vazirligi ma’lumotlariga ko‘ra, 2025-yilga mo‘ljallangan hamkorlik rejasi ikki davlat harbiy idoralari faoliyatining barcha yo‘nalishlari bo‘yicha 50 ta qo‘shma tadbirni o‘z ichiga oladi.
Marosim Rossiya mudofaa vazirining Toshkentga rasmiy tashrifi doirasida bo‘lib o‘tdi.
“Hujjatlarni Rossiya va O‘zbekiston harbiy idoralari rahbarlari Andrey Belousov va Shuhrat Xalmuhamedov imzoladi”, — deyiladi xabarda.
