TOShKENT, 14 yanv — Sputnik. Armaniston hukumati kun tartibiga Yevroosiyo iqtisodiy ittifoqida (YeOII) chiqish masalasi kiritilmagan. Bu haqda mamlakat iqtisodiyot vaziri Gevorg Papoyan jurnalistlarga ma’lum qildi, deb yozmoqda RIA Novosti.
“Ayni damda Armaniston YeOII a’zosi va hukumatda YeOIIdan chiqish bo‘yicha kun tartibi yo‘q”, — dedi Papoyan.
U respublikaning Yevropa integratsiyasi bilan bog‘liq jarayonlarni parallel kun tartibi deb atadi va Armaniston rasmiylarining vazifasi mamlakatning raqobatbardoshligi va barqarorligini oshirish ekanligini ta’kidladi.
O‘tgan payshanba kuni Armaniston hukumati g‘arbparast kuchlarning parlament tomonidan ko‘rib chiqilishi kerak bo‘lgan respublikaning Yevropa Ittifoqiga qo‘shilishi jarayonini boshlash bo‘yicha qonunchilik tashabbusini qo‘llab-quvvatladi. 9-yanvar kuni Rossiya Bosh vaziri o‘rinbosari Aleksey Overchuk Rossiya Armanistonda Yevropa Ittifoqiga qo‘shilish to‘g‘risidagi qonun loyihasining muhokama qilinishini Yerevanning YeOIIdan chiqishining boshlanishi deb bilishini va Armanistonga nisbatan iqtisodiy siyosatini shu holatni hisobga olgan holda qurishini ma’lum qildi. Shu bilan birga, u bunday qaror Armanistonning suveren tanlovi bo‘lib, bunga haqli ekanligini ta’kidladi.
