TOShKENT, 13 yanv — Sputnik. Endi O‘zbekistonda ham “YeOIIda ishlash” ("Rabota v YeAES") ilovasi xizmatlari ishlaydi, deya xabar berdi Rossiya TIV MDH mamlakatlari birinchi departamenti Yevroosiyo iqtisodiy integratsiyasi bo‘limi matbuot xizmati.
“Demak, O‘zbekistonga ishlash uchun ko‘chib o‘tayotgan mobil ilova foydalanuvchilari o‘z smartfonlari orqali ishga joylashish uchun zarur bo‘lgan xizmatlarni to‘g‘ridan-to‘g‘ri olishlari mumkin”, — deyiladi xabarda.
Ilovada quyidagi funksiyalar ishlaydi:
mamlakatda mavjud bo‘sh ish o‘rinlarini qidirish;
davlat organlariga, shu jumladan, jismoniy shaxsning shaxsiy identifikatsiya raqami va ro‘yxatga olish kartasini olish uchun murojaat qilish;
mehnat faoliyatini amalga oshirish uchun soliq to‘lovchining xizmatlaridan foydalanish;
IT vizasi, ishlash uchun ruxsatnoma, viza rejimlari va boshqalarni olish bo‘yicha ma’lumotlarga kirish.
Bundan tashqari, ilova uy-joy topish, avia va poyezd chiptalarini xarid qilish xizmatlari bilan to‘ldirilgan.