TOShKENT, 12 yanv — Sputnik. Belarus prezidenti Aleksandr Lukashenko Yevroosiyo iqtisodiy ittifoqi to‘g‘risidagi shartnomaga o‘zgartirishlar kiritish to‘g‘risidagi protokol loyihasini muzokaralar uchun asos sifatida ma’qulladi, deb xabar berdi Belarus davlat rahbari matbuot xizmati.
“Belarus prezidenti Aleksandr Lukashenko 2014-yil 29-maydagi Yevroosiyo iqtisodiy ittifoqi to‘g‘risidagi shartnomaga o‘zgartirishlar kiritish to‘g‘risidagi protokol loyihasini ma’qulladi. Davlat rahbari 11-yanvar kuni “Xalqaro shartnoma loyihasi to‘g‘risida”gi tegishli farmonni imzoladi”, — deyiladi xabarda.
Qayd etilishicha, hujjat muzokaralar uchun asos sifatida tasdiqlangan.
“Bayonnoma loyihasini tayyorlash YeOII to‘g‘risidagi shartnomani huquqni qo‘llash amaliyotini hisobga olgan holda yangilash zarurati bilan bog‘liq”, — deya tushuntirdi matbuot xizmati.
Xabarda aytilishicha, o‘zgartirishlar bojxona tartibga solish, savdo, raqobat, davlat xaridlari, energetika, transport nazorati, texnik tartibga solish masalalariga tegishli.