Olov allaqachon Gollivud tepaliklariga yetib borgan, bu esa hokimiyatni keng ko‘lamli evakuatsiyani boshlashga majbur qildi. Oxirgi ma’lumotlarga ko‘ra, halok bo‘lganlar soni besh kishiga yetdi.
Hozirgi vaqtda mintaqa bo‘ylab beshta yirik yong‘in manbai aniqlangan. Kuchli shamollar va quruq ob-havo yong‘inni nazoratga olishga xalaqit bermoqda. Evakuatsiya hududida 150 mingga yaqin odam yashaydi.
Alohida e’tibor Pasifik-Paliseyds hududidagi yong‘inga qaratilgan. Bu hudud Santa-Monika va Malibu o‘rtasida joylashgan bo‘lib, yong‘in maydoni 60 kvadrat kilometrdan oshgan va kamida mingta binoga zarar yetkazgan.
Los-Anjeles okrugi yong‘in o‘chirish xizmati boshlig‘i Entoni Marrone qutqaruvchilar butun kuchini aholini va mol-mulkni himoya qilishga qaratganini, ammo nomaqbul ob-havo sharoiti vaziyatni qiyinlashtirayotganini ta’kidladi.
Hokimiyat aholini ehtiyot choralariga amal qilishga, ko‘rsatmalarga rioya etishga va zarurat tug‘ilsa, zudlik bilan evakuatsiya qilishga chaqiradi. Kaliforniyadagi bu fojia tashvishli darajada katta ko‘lamga ega bo‘lib bormoqda, va yong‘in bilan kurashish davom etmoqda.
"Afsuski, halok bo‘lganlar soni ortib bormoqda va vaziyat hali ham xavfliligicha qolmoqda", — dedi Los-Anjeles okrugi sherifi Robert Luna.