Toshkentning asosiy durdonalaridan biri uning atrofi, ayniqsa, G‘arbiy Tan-Shanning hayratomuz tog‘lari hisoblanadi. Shahardan avtomobilda atigi bir soat yo‘l bossangiz, siz afsonaviy Chimon tog‘larida bo‘lasiz.
Bu joylar o‘zining go‘zalligi bilan hayratlantiradi: cheksiz musaffo osmon, kristallday toza havo, tabiatning rang-barang gulshani va shahar hayotida kam uchraydigan xotirjam sukunat. Bu yerda har bir kishi xotirjamlik topadi va erkinlikni his qiladi.
O‘zbekiston tog‘larida dam olish – bu haqiqiy qayta tiklanish, tabiatning musaffoligidan bahramand bo‘lish va uning ulug‘vorligidan zavq olish imkoniyatidir. Sizning sayyohatingiz unutilmas bo‘lib, faqat yoqimli hissiyotlarni hadya qilsin!
G‘arbiy Tan-Shan O‘rta Osiyo Tan-Shan tog‘ tizimining tarkibiy qismi bo‘lib, dunyodagi yettita yirik tog‘ tizmalaridan biri hisoblanadi. Uning turli hududlarida balandlik 700 metrdan 4 503 metrgacha o‘zgaradi. Bu mintaqa bioxilma-xillik va turli landshaftlarning katta boyligi bilan ajralib turadi.
G‘arbiy Tan-Shan mintaqasi YuNESKOning Jahon merosi ro‘yxatiga kiritilgan.