TOShKENT, 23 dek — Sputnik. Toshkent metrosi Yangi yil bayrami munosabati bilan odatdagidan 2 soat ko‘proq ishlaydi. Bu haqda poytaxt metropoliteni xabar berdi.
“Toshkent metropoliteni” bayram munosabati bilan poyezdlar qatnovi hamda metroning ishlash vaqti tartibini e’lon qildi.
“Toshkent metropoliteni ilk marotaba 31-dekabr tonggi 05:00 dan 1-yanvar soat tungi soat 02:00 gacha yo‘lovchilarga xizmat ko‘rsatadi”, — deyiladi xabarda
Shu kuni metro bekatlari ish vaqti odatdagidan 2 soatga uzaytiriladi.
Shuningdek, qo‘shimcha dam olish kunlarida metro poyezdlarining harakat jadvali yuzasidan rejaviy ishlar amalga oshirilmoqda. Aytilishicha, bu haqda batafsil ma’lumot taqdim etiladi.