TOShKENT, 17 dek — Sputnik. Gulnora Saidova Xalqaro qilichbozlik federatsiyasi bosh kotibi etib saylandi, deya xabar berdi O‘zbekiston Milliy olimpiya qo‘mitasi.
Aytilishicha, Xalqaro qilichbozlik federatsiyasi (FIE) rahbariyati tarkibida o‘zgarish amalga oshirildi.
“O‘zbekiston qilichbozlik federatsiyasi bosh kotibi Gulnora Saidova endilikda FIEda ham ushbu lavozimda faoliyat olib boradigan bo‘ldi”, — deyiladi qo‘mita Telegram-kanalida.
Qayd etilishicha, O‘zbekiston qilichbozlik federatsiyasining ma’lum qilishicha, FIE bosh kotibligiga ilk bor ayol kishi saylanmoqda.
Ma’lumot uchun, Gulnora Saidova O‘zbekiston qilichbozlik federatsiyasi bosh kotibi lavozimida o‘z faoliyatini olib borayotgan edi.