TOShKENT, 1 dek — Sputnik. Buxoro viloyatining Vobkent tumanida joylashgan Shirin mahallasiga “Shirin etnoturizm qishlog‘i” maqomi berildi, deya xabar berdi Turizm qo‘mitasi.
Shirin turizm qishlog‘ida tashabbuskor tadbirkorlar tomonidan quyidagilar tashkil etildi:
20 tadan ortiq mehmon uyi;
10 taga yaqin hunarmandchilik markazi;
20 tadan ortiq savdo va umumiy ovqatlanish shoxobchasi;
30 taga yaqin baliqchilik, halvopazlik, sho‘rdanak tayyorlash kabi xizmatlar;
xorijiy hamda mahalliy sayyohlar uchun Wi-Fi nuqtalari.
Maxalle Shirin v Buxarskoy oblasti prisvoyen status "etnoturisticheskoy derevni"
© Komitet po turizmu
Aytilishicha, bu orqali 300 nafar kishini ish bilan band qilish imkoniyati yaratilmoqda. Mahallada, shuningdek, "Shirin etno house" markazi va hunarmandlar markazi faoliyatini rivojlantirish rejalashtirilgan.
Maxalle Shirin v Buxarskoy oblasti prisvoyen status "etnoturisticheskoy derevni"
© Komitet po turizmu
Quyidagi udumlar ham maromiga yetkaziladi:
qadimiy sandal uylar, dehqonchilik asbob-anjomlari tayyorlash;
ot va tuyada sayr qilish;
qadimiy tosh tegirmon ishi;
asalarichilik, sho‘rdanak va milliy shirinliklar, qandolat mahsulotlari tayyorlash.