TOShKENT, 29 noya — Sputnik. Rossiya, Belarus, Qozog‘iston, Qirg‘iziston va Tojikiston prezidentlari Ostona shahrida bo‘lib o‘tgan Kollektiv xavfsizlik shartnomasi tashkiloti (KXShT) sammiti yakunlari bo‘yicha 14 ta hujjat imzoladi. Bu haqda Kreml matbuot xizmati xabar berdi.
Hujjatlar orasida KXShT Kollektiv xavfsizlik kengashining “Kollektiv xavfsizlik shartnomasi tashkiloti doirasida ittifoqchilik munosabatlarini yanada mustahkamlash to‘g‘risida”gi qarori imzolandi. Shuningdek, KXShT Kollektiv xavfsizlik kengashining deklaratsiyasi, Tojikiston-Afg‘oniston chegarasini mustahkamlash bo‘yicha maqsadli dastur to‘g‘risidagi qaror, Ulug‘ Vatan urushidagi G‘alabaning 80-yilligi munosabati bilan bayonot imzolandi.
Bundan tashqari, sammit ishtirokchilari KXShT davlatlarining harbiy va boshqa tuzilmalarni, ularning ko‘char mol-mulkini va harbiy mahsulotlarini tashish sohasidagi hamkorligi to‘g‘risidagi bitimga o‘zgartirishlar kiritish to‘g‘risidagi, KXShTning kuchl tuzilmalari va kollektiv xavfsizlik tizimining vositalari holati to‘g‘risidagi bitimga o‘zgartirishlar kiritish to‘g‘risidagi protokollarni imzoladilar.
“Markaziy Osiyo kollektiv xavfsizlik mintaqasi kollektiv tezkor qo‘shinlarini jihozlash uchun taklif etilayotgan qurol-yarog‘, harbiy va maxsus texnikaning namunaviy zamonaviy va ilg‘or namunalari ro‘yxati to‘g‘risida”gi, Ulug‘ Vatan urushidagi G‘alabaning 80-yilligi sharafiga o‘tkaziladigan tadbirlar rejasi haqidagi, tashkilotga mukofotlar topshirish haqidagi qarorlar tasdiqlandi.
Shuningdek, KXShT budjetining 2023-yildagi ijrosi to‘g‘risidagi hisobot, tashkilotning 2024-yilgi budjetiga va 2025-yilgi budjetiga o‘zgartirishlar kiritish to‘g‘risidagi qarorlar tasdiqlandi.