TOShKENT, 24 noya — Sputnik. Hozirgi qarama-qarshilik G‘arb davlatlari tomonidan qo‘zg‘atilmoqda. Bu haqda Rossiya prezidenti matbuot kotibi Dmitriy Peskov jurnalist Pavel Zarubinga bergan intervyusida ma’lum qildi.
"Rossiya Federatsiyasi prezidenti Vladimir Putin bizning doktrinamizni G‘arb davlatlari qo‘zg‘atayotgan hozirgi qarama-qarshilik sharoitlariga moslashtirish uchun o‘zgartirishlar tayyorlash bo‘yicha ko‘rsatmalar berdi", — dedi Peskov.
Prezident Vladimir Putinning yadroviy doktrinani yangilash haqidagi farmonini G‘arbga signal sifatida baholash mumkin.
"Albatta, bu yerda hech qanday tasodif yo‘q. Muayan qonuniy asos bor", — dedi Peskov.
Uning qayd etishicha, prezident doktrinani G‘arb bilan hozirgi qarama-qarshilik sharoitlariga moslashtirish uchun unga o‘zgartirishlar tayyorlash bo‘yicha topshiriq bergan.
“Ammo, shunga qaramay, Putin, birinchi navbatda, Vashingtonda ketayotgan ma’muriyat tomonidan qo‘zg‘atilgan misli ko‘rilmagan keskinlashuvga javob berishiga to‘g‘ri kelmoqda”, — deya qo‘shimcha qildi matbuot kotibi.
Uning so‘zlariga ko‘ra, buni doimiy ravishda qilish kerak, chunki Qo‘shma Shtatlar har gal Ukraina mojarosi atrofida keskinlikni oshirib, o‘ylamasdan qadamlar tashlamoqda.