TOShKENT, 4 noya — Sputnik.O‘zbekistonning yangi tayinlangan favqulodda va muxtor elchisi Oybek Eshonov Indoneziya poytaxtida o‘z faoliyatini boshladi, deb xabar berdi "Dunyo" AA.
Diplomat 57 yoshda. U Toshkent davlat universiteti (hozirgi O‘zbekiston Milliy universiteti)ning sharqshunoslik fakulteti, shuningdek, Davlat qurilish akademiyasini tamomlagan.
U 2008-yildan 2017-yilgacha Isroilda elchi lavozimida ishlagan. Yangi lavozimga tayinlanganiga qadar TIVning Janubiy Osiyo, Yaqin, O‘rta Sharq va Afrika mamlakatlari bilan hamkorlik boshqarmasi boshlig‘i lavozimida o‘z faoliyatini olib borgan.
Fors va ingliz tillarini mukammal biladi.
Oybek Eshonov 2018-2022 yillarda mamlakatning Jakartadagi elchixonasiga rahbarlik qilgan va "O‘zavtosanoat" AK boshqaruvi raisi etib tasdiqlangan Ulug‘bek Rozukulov o‘rniga tayinlandi.