TOShKENT, 3 noya — Sputnik. O‘zbekistonlik bokschi Bektemir Meliqo‘ziyev AQShda bo‘lib o‘tayotgan professional boks turnirida faoliyatidagi 15-g‘alabasini qo‘lga kiritdi, deya xabar berdi Mudofaa vazirligi.
AQShning Nevada shtati Las-Vegas shahrida bo‘lib o‘tayotgan professional boks turnirida ikkinchi o‘rta vazn toifasidagi professional bokschi Bektemir Meliqo‘ziyev amerikalik Devid Stivensga qarshi chempionlik kamari uchun saralash jangini o‘tkazdi.
O‘n ikki raund to‘liq davom etgan murosasiz jangda Meliqo‘ziyev ochkolar hisobiga ko‘ra g‘alaba qozondi hamda ikkinchi o‘rta vazn toifasida WBA chempionlik kamari uchun rasmiy va majburiy da’vogarga aylandi.
Ma’lumot uchun, Meliqo‘ziyev Mudofaa vazirligi sport markazi sportchisi kapitan hisoblanadi.