TOShKENT, 31 okt — Sputnik. So‘nggi 24 soat ichida Rossiya armiyasi bo‘linmalari 300 nafardan ortiq ukrainalik jangarini, to‘rtta zirhli jangovar texnikani, shuningdek, sakkizta artilleriya quroli, to‘rtta minomot va Isroilda ishlab chiqarilgan RADA stansiyasini yo‘q qildi, deya xabar qildi Rossiya Mudofaa vazirligi.
"Kun davomida Ukraina Qurolli kuchlarining yo‘qotishlari 300 nafardan ortiq harbiy xizmatchini tashkil etdi, to‘rtta zirhli jangovar mashina, shuningdek, sakkizta artilleriya quroli, to‘rtta minomot, Isroilda ishlab chiqarilgan RADA stansiyasi va to‘qqizta avtomobil yo‘q qilindi", — deyiladi xabarda.
Umuman olganda, Kursk yo‘nalishidagi janglarda dushman 28 600 nafardan ortiq askar, 180 ta tank, 101 ta piyoda jangovar mashinasini va boshqa qurollarini yo‘qotgan.
“Ukraina Qurolli kuchlari bo‘linmalarini yo‘q qilish operatsiyasi davom etmoqda”, — deya qo‘shimcha qildi Rossiya Mudofaa vazirligi.