TOShKENT, 6 okt — Sputnik. AQSh prezidentligiga nomzod Donald Tramp Pensilvaniyadagi saylovoldi tashviqoti chog‘ida, agar u Oq uy rahbari etib saylansa, amerikalik astronavtlar Marsga qo‘nishiga va’da berdi, deb yozmoqda RIA Novosti ijtimoiy tarmoqdagi jonli efirga tayanib.
“Bizda koinotni o‘rganish bo‘yicha jahon birinchiligi bo‘ladi. Rahmat, Ilon! (Mask – Tahr.) Biz harbiy ustunlikka ega bo‘lamiz. Va biz prezidentlik muddatim tugaguncha Marsga qo‘namiz...”, — dedi u.
Sentabr oyida Mask agar vitse-prezident Kamala Xarris noyabr oyida bo‘lib o‘tadigan prezidentlik saylovlarida g‘alaba qozonsa, amerikaliklar Marsga hech qachon yetib bormasligini aytdi. Uning ta’kidlashicha, ikkinchisidan farqli o‘laroq, Tramp "katta ishlarni amalga oshirishga imkon beradigan" hukumat samaradorligi komissiyasini yaratishni qo‘llab-quvvatlaydi.