TOShKENT, 3 okt — Sputnik. Ukraina harbiylari maxsus harbiy operatsiya zonasi yo‘nalishlaridan birida rus jangchilari uchun “Ruslar, kechiringlar” degan yozuv yozilgan portlamaydigan minalar o‘rnatdi. Bu haqda Leningrad polkining sapori RIA Novostiga ma’lum qildi.
Aytilishicha, harbiylar minalarni tozalash uchun dalaga kelishganida portlamaydigan minalarga duch kelishgan.
Portlovchilarni bo‘shatib, chiqarib olishganda, ularning ba’zilarida "Ruslar, kechiringlar" deb yozilgan qog‘oz parchalari bor edi. Tom ma’noda ikkita so‘z: "Ruslar, kechiringlar". Ya’ni minalar ataylab qo‘llash uchun shay holatga keltirilmagan.
Harbiy xizmatchining so‘zlariga ko‘ra, buni Ukraina tashviqotiga ishonmaydigan va Rossiya bilan jang qilishni istamaydigan Ukraina Qurolli kuchlarining saporlari qilgan.
“Ya’ni ular bu urush hatto bizga qarshi kurashayotganlarga ham kerak emasligiga ishora qilmoqdalar. Aslida, Ukraina xalqining aksariyati hech narsa uchun kurashayotganini tushunadi”, — deb ta’kidladi u.