TOShKENT, 26 sen — Sputnik. “Rosatom” kichik modulli reaktorlar uchun eng yaxshi texnologik takliflarga ega. Bu haqda O‘zbekiston Atom energiyasi agentligi direktori Azim Axmedxadjayev Rossiya energetika haftaligida ma’lum qildi.
“O‘zatom” agentligi rahbari Rossiya energetika haftaligida ishtirok etmoqda.
“Biz amalga oshirmoqchi bo‘lgan kichik modulli reaktorlarga kelsak. Biz butun jahon amaliyotini ko‘rib chiqdik, bu biz uchun katta istiqbolga ega bo‘lgan dolzarb mavzu. Biz aniq angladikki, bu jihatdan “Rosatom” eng yaxshi texnologiya takliflariga ega, shuning uchun biz hozirda bu yo‘nalishda juda faol ishlamoqdamiz”, — dedi Azim Axmedxadjayev.
U, shuningdek, nima uchun O‘zbekiston kichik modulli reaktorlarni tanladi degan savolga javob berdi.
“Bizning qarorimizga ta’sir qiluvchi bir qator omillar: bu suv resurslari bilan kichik bog‘liqlik, moslashuvchanlik va sanoat faol rivojlanayotgan hududlardan kelib chiqib, O‘zbekistonning turli nuqtalarida tezda joylashish qobiliyatidir”, — deya qo‘shimcha qildi Axmedxadjayev.
Ma’lumot uchun, 26-28 sentabr kunlari Moskvada bo‘lib o‘tadigan Rossiya energetika haftaligining sessiyalaridan biri "Kam uglerodli energiya: Barqaror kelajak uchun asos" mavzusiga bag‘ishlangan. Bu yilgi forumning asosiy mavzusi: Ko‘p qutbli dunyoda energetika sohasidagi hamkorlik. Ma’ruzachilar orasida “O‘zatom” agentligi direktori Azim Axmedxadjayev ham bor.