TOShKENT, 24 sen — Sputnik. Rossiya dengiz piyodalari Kursk viloyatidagi Ukraina Qurolli kuchlarining razvedka guruhini yo‘q qildi, deb xabar berdi Rossiya huquq-tartibot idorasi vakili RIA Novosti agentligiga.
“Qora dengiz flotining 810-dengiz piyodalari brigadasi jangchilari Kursk viloyatidagi Kremennoe qishlog‘ining shimoli-sharqidagi otishma natijasida sakkiz kishidan iborat Ukraina razvedkachilari guruhini yo‘q qildi. Guruh Ukraina qurolli kuchlarining 41-piyoda brigadasiga tegishli edi”, — dedi agentlik suhbatdoshi.
Ukraina qurolli kuchlari 6-avgust kuni Kursk viloyatidagi hududlarni egallab olish uchun hujumga o‘tdi. Rossiya Qurolli kuchlari Bosh shtabi boshlig‘i Valeriy Gerasimovning so‘zlariga ko‘ra, ularning yurishi to‘xtatilgan. 23-sentabr holatiga ko‘ra, ushbu hududdagi janglarda dushman armiyasi 16,4 ming askar va 127 tankni yo‘qotdi.