TOShKENT, 22 sen — Sputnik. O‘zbekistonlik og‘ir atletikachi Nigora Abdullayeva Ispaniyadagi jahon chempionatida kumush va bronza medallariga sazovor bo‘ldi, deya xabar berdi Milliy olimpiya qo‘mitasi.
Yosh og‘ir atletikachilari Ispaniyada o‘tayotgan jahon chempionatida dastlabki medallariga sazovor bo‘lishdi. Unga -59 kg vazn toifasida ishtirok etgan Nigora Abdullayeva mualliflik qildi.
U dast ko‘tarishda 93 kg bilan to‘rtinchi bo‘ldi. Siltab ko‘tarish mashqida barcha imkoniyatlardan unumli foydalangan Abdullayeva ushbu dasturda 115 kg bilan kumush, ikki kurash natijasiga ko‘ra esa 208 kg bilan bronza medalini qo‘lga kiritdi.